C-5
C-5
Primera.
Kamusta ka na? Tagal nating hindi nagkita. Balita ko, may karelasyon ka na daw. Good. Ako rin meron. Haayyy… At least masaya tayo.
Segunda.
Sabi ko na nga ba, siya ‘yun. Alam ko kasi yung mga tipo mo. Gusto mo hindi masyadong maputi, hindi masyadong matalino, maliit ang paa, simple at may nunal sa mukha. Lahat ng kabakigtaran ko. O bakit natatawa ka? Iinom mo na lang ‘yan. At least naka-ahon tayong dalawa sa mga nangyari. Or at least buhay pa tayo. At least, nagkaroon tayo ng kanya-kanyang buhay. At least, may naghintay sa ating buhay.
Tersera.
O bakit tunigil ka? Please ayaw ko na nang ganito. Okey ka lang ba? Galit ka ba? Sabihin mo. Hanggang ngayon ganyan ka pa rin. Ayaw mo ban g paspas ko? ‘Wag kang mag-alala, hindi pa ako laseng. Dalawang Red Horse lang naman ito. Hindi kita ibabangga. Naghihintay siya sa’yo, ‘di ba? May naghintay din naman sa kin. Masaya ako ngayon. Ayaw ko pang mamatay. Ayaw ko nang mamatay.
Quarta.
O bakit tumutulo luha mo? Ba’t ka nagkakaganyan? Gusto mo patugtugin ko yung Despite the Tears ni Jeff Buckley? Peyborit mo ‘yun, ‘di ba? Alam ko na, yakapin na lang kaya kita nang mahigpit? Halikan kaya kita sa palad? Ipasok ko kaya yung dila ko sa pusod mo? Ipatong ko kaya yung kamay ko sa hita mo? ‘Wag ka nang umiyak. Sabi mo, masaya ka na, ‘di ba?
Quinta.
Balewala ‘tong Red Horse sa paglaseng ko sa’yo noon. Aaminin ko, may hang-over pa rin ako hanggang ngaayon. Gago ka kasi. Ano ba, masaya ka ba talaga? Alam mo ako hindi. Hinahanap kita sa lahat ng lugar na pinupuntahan ko. Pero hindi kita Makita. Ngayon, para akong nawawalang tupa. Bi, namimiss na kita. Sori ha, naiiyak na ako.
Sige, pagbukas mo pa ako ng beer. Ipaspas pa natin. Hanggang lumipad tayo. Hanggang mapadpad tayo sa lugar na hindi pa natin napupuntahan. Hanggang sa matakasan natin sila. Hanggang sa makapagsimula ulit tayo.
Bi, mahal pa rin ‘ata kita.
-Janis Joplin
